சுவிட்சர்லாந்தின் செல்வந்தர்களில் அதிகமானோர் வாழும் ஊராக ஹெர்கிஸ்வில்

லூசெர்ன் ஏரிக்கரையில் அமைந்துள்ள நிட்வால்டன் மாநிலத்தின் ஹெர்கிஸ்வில் (Hergiswil) என்ற சிறிய நகரம், சுவிட்சர்லாந்தின் செல்வந்தர்களில் அதிகமானோர் வாழும்  இடமாகத் திகழ்கிறது. சுமார் 6,300 மக்கள் வசிக்கும் இந்த நகரத்தில், ஒவ்வொரு 100 பேரில் ஒருவருக்கு 5 கோடி (50 மில்லியன்) சுவிஸ் ஃபிராங்கை விட அதிக சொத்து இருப்பதாக அண்மைய ஆய்வொன்று வெளிப்படுத்தியுள்ளது.

சுவிஸ் ஊடகங்கள் வெளியிட்டுள்ள பகுப்பாய்வு அறிக்கையின் படி, ஹெர்கிஸ்வில் மட்டுமல்லாது, நிட்வால்டன் மாநிலமே மொத்தத்தில் நாட்டின் செல்வந்தர்கள் அடர்த்தி அதிகம் உள்ள பகுதியாகவும் திகழ்கிறது. மொத்தம் 10,000 பேருக்கு 22 பேருக்கு மேல் 50 மில்லியன் ஃபிராங்கை மீறும் சொத்து இருப்பதாக, சுவிஸ் மாநில வரித்துறை தரவுகள் தெரிவிக்கின்றன.

சுவிட்சர்லாந்து உலகளவில் உயர்ந்த வாழ்க்கைத் தரமும், நிதி நிலைத்தன்மையும் கொண்ட நாடாக இருந்தாலும், அதற்குள் செல்வச் சீர்மையற்ற நிலை அதிகரித்துவருவதை இந்த தகவல் சுட்டிக்காட்டுகிறது. ஹெர்கிஸ்வில் போன்ற ஏரிக்கரை நகரங்கள் நீண்டகாலமாக பணக்கார வணிகர்களும், தொழில் அதிபர்களும், முதலீட்டாளர்களும் விரும்பும் விலையுயர்ந்த குடியிருப்புப் பகுதிகளாக இருந்து வருகின்றன.

நிதி நிபுணர்கள் கூறுவதாவது, சுவிட்சர்லாந்தின் வரி சலுகைகள், பொருளாதார நிலைத்தன்மை, மற்றும் சிறந்த வாழ்க்கைச் சூழல் ஆகியவை இத்தகைய செல்வந்தர்களை ஈர்க்கும் முக்கிய காரணிகளாக உள்ளன.

© KeystoneSDA