சுவிஸ் பயணிகளுக்கான விமான சேவையை விரிவுபடுத்தும் Condor விமான நிறுவனம்

2025-2026 குளிர்கால விமான அட்டவணைக்காக, ஜெர்மனிய மகிழ்ச்சிப் பயண விமான நிறுவனமான Condor , சுவிஸ்ஸிலிருந்து பயணிக்கும் பயணிகளுக்கான சேவைகளை மேலும் வலுப்படுத்துகிறது. இந்த குளிர்கால சீசன் அக்டோபர் இறுதியில் தொடங்கி மார்ச் மாத இறுதி வரை நீடிக்கும்.

சூரிக் மற்றும் Frankfurt இடையே தினமும் மூன்று விமான சேவைகள் இயக்கப்படவுள்ளன. இதன் மூலம் சுவிஸ் பயணிகள் ஃபிராங்க்ஃபர்ட்டிலிருந்து உலகின் பல பிரபலமான சுற்றுலா இடங்களுக்கு எளிதாகச் செல்ல முடியும். குறைந்த நேர இடைவெளியுடன் நீண்ட தூர விமானங்கள் — கரீபியன் தீவுகள், வட அமெரிக்கா, ஆப்பிரிக்கா, மேலும் தென் ஐரோப்பாவின் குளிர்கால விடுமுறை தளங்கள் ஆகியவற்றுக்கு இணைப்புகள் வழங்கப்படும்.

சுவிஸ் நாட்டிலிருந்து நல்ல இணைப்புகளை வழங்குவது (Condor) கொன்டோருக்கு மிக முக்கியம் என சுவிஸ் பிராந்திய மேலாளர் தோமஸ் வெல்டி தெரிவித்துள்ளார். “விமான நேரங்கள் சிறப்பாக ஒருங்கிணைக்கப்பட்டுள்ளன. இதனால் பயணிகள் காலை நேரத்தில் சூரிக்கிலிருந்து புறப்பட்டு அதே நாளில் கனாரி தீவுகள் போன்ற இடங்களை அடைய முடியும்,” என்றார் அவர்.

இதற்கான உதாரணமாக, சூரிக்கிலிருந்து காலை 8.05 மணிக்கு புறப்படும் முதல் விமானம், ஃபிராங்க்ஃபர்ட்டில் இணைப்புகளை வழங்கி, ஃப்யூர்டெவென்டூரா, கிரான் கனாரியா, டெனெரிஃப் தெற்கு மற்றும் ஹுர்காடா போன்ற பிரபலமான விடுமுறை இடங்களுக்கு செல்லும் வாய்ப்பை வழங்குகிறது.

Condorகடந்த சில ஆண்டுகளில் தனது சேவைகளை விரிவுபடுத்தி, ஐரோப்பிய பயணிகளுக்கான விடுமுறை இணைப்புகளில் முக்கிய பங்கு வகித்து வருகிறது. புதிய அட்டவணை சுவிஸ் பயணிகளுக்கு அதிக வசதி மற்றும் பல்வேறு சர்வதேச தளங்களை எளிதில் அடையும் வாய்ப்பையும் உருவாக்குகிறது.

© Keystone SDA