சூரிச் பொதுப் போக்குவரத்து கட்டணத்தில் பெரிய குறைப்பு.??

Swiss Local News
Zurich

4 weeks ago

Janarthan

சூரிச் பொதுப் போக்குவரத்து கட்டணத்தில் பெரிய குறைப்பு – ஆனால் இன்னும் காத்திருக்க வேண்டும்

சூரிக் நகர மக்கள், பொதுப் போக்குவரத்து கட்டணத்தை குறைக்கும் நோக்கில் சமூகவாதக் கட்சி முன்வைத்த திட்டத்திற்கு ஆதரவாக வாக்களித்துள்ளனர். இதன் அடிப்படையில், எதிர்காலத்தில் சூரிக் மையப்பகுதி (மண்டலம் 110) இரண்டாம் தர ஆண்டு சீசன் டிக்கெட் வெறும் 365 ஃப்ராங்க் மட்டுமே ஆகும். இதன் பொருள், பெரியவர்கள் தினமும் ஒரு ஃப்ராங்க் செலுத்தி பயணம் செய்யலாம் என்பதாகும். தற்போது இந்த டிக்கெட்டின் விலை 809 ஃப்ராங்க் என்பதால், 444 ஃப்ராங்க் என்ற பெரும் குறைப்பாகும்.

குழந்தைகள் மற்றும் இளைஞர்களுக்கும் கட்டண குறைப்பு அமையும். தற்போது வருடாந்திர கட்டணம் 586 ஃப்ராங்க் என்ற நிலையில், இது 185 ஃப்ராங்க் ஆகக் குறைக்கப்படும்.

ஆனால் இந்தத் திட்டம் எப்போது நடைமுறைக்கு வரும் என்பது இன்னும் தெளிவாகவில்லை. வருடத்திற்கு சுமார் 140 மில்லியன் ஃப்ராங்க் தேவைப்படும் நிலையில், அந்த நிதி எங்கு இருந்து வரும் என்பது குறித்து நகர நிர்வாகத்திற்கே இன்னும் திட்டமில்லை. இதனால், கட்டண குறைப்பு எப்போது அமலுக்கு வரும் என்பதை மக்கள் காத்திருக்க வேண்டிய சூழல் உள்ளது.

சூரிக்கில் பொதுப் போக்குவரத்து வசதி தொடர்பான பிற புதிய தகவல்களும் விரைவில் வெளிவரும் என அறிவிக்கப்பட்டுள்ளது.