மூத்த குடிமக்களுக்கு காப்பீட்டு ஒப்பீட்டில் தடையிட்டதாக ஏஎக்ஸ்ஏ மீது விமர்சனம்

சுவிஸ் நாட்டில், வயதைக் கருத்தில் கொள்ளாமல் ஒவ்வொரு குடிமகனும் அடிப்படை மருத்துவ காப்பீட்டைக் கட்டாயமாகக் கொண்டிருக்க வேண்டும். ஆனால், சமீபத்தில் அக் ஷா (AXA) நிறுவனம் வழங்கும் ஆன்லைன் காப்பீட்டு “பிரீமியம் ஒப்பீட்டு” சேவை மூத்தவர்களுக்கு கிடைக்கவில்லை என்பது சர்ச்சையை ஏற்படுத்தியுள்ளது.

அந்த இணையதளத்தில் 65 வயதுக்கு மேற்பட்டவர்கள் விவரங்களை உள்ளிடும்போது, “துரதிர்ஷ்டவசமாக, உங்களை காப்பீடு செய்ய முடியாது” என்ற குழப்பமூட்டும் செய்தி தோன்றுகிறது. இதனால் பலரும் அந்த நிறுவனம் மூத்த குடிமக்களை வெளிப்படையாக புறக்கணிக்கிறது என்று குற்றம்சாட்டினர்.

இதுகுறித்து எழுந்த கேள்விகளுக்கு பதிலளித்த அக் ஷா , தாங்கள் குறிப்பிட்ட வயது குழுவை நோக்கி வணிகம் செய்கிறோம் என விளக்கம் அளித்தது. நிறுவனம் கூறியதாவது, “நாங்கள் வழங்கும் கூடுதல் மருத்துவ காப்பீட்டுத் திட்டங்கள் 65 வயதுக்குள் உள்ளவர்களுக்காக மட்டுமே வடிவமைக்கப்பட்டுள்ளன.” இதன் பொருள், பெரும்பாலும் உடல்நலப் பிரச்சினைகள் இல்லாத இளைய வயதினரை நோக்கி அவர்கள் தங்கள் சேவையை கவனம் செலுத்துகின்றனர்.

சுவிஸ் அரசின் பொது ஒலிபரப்பாளர் எஸ்.ஆர்.எப் (SRF) வியாழக்கிழமை வெளியிட்ட தகவலின் படி, “அடிப்படை மருத்துவ காப்பீட்டின்” வழக்கில், அனைத்து நிறுவனங்களும் அனைவரையும் சமமாக நடத்த வேண்டும் என்பது சட்டம். எனவே, பிரீமியம் ஒப்பீட்டில் 65 வயதுக்கு மேற்பட்டவர்களை விலக்குவது அனுமதிக்கப்படாதது என சுகாதார துறை (FOPH) தெரிவித்துள்ளது.

ஆனால், அக் ஷா நிறுவனம் அடிப்படை மருத்துவ காப்பீட்டினை நேரடியாக விற்பனை செய்யாது என்பதால், அந்த சட்டப் பிரிவுகள் தங்களுக்கு பொருந்தாது என்று கூறுகிறது. இதனால், சட்ட ரீதியாக குற்றமில்லை என்றாலும், சமூக ரீதியாக மூத்த குடிமக்களுக்கு அநீதி செய்யப்பட்டதாக பலரும் விமர்சனம் தெரிவித்து வருகின்றனர்.

சுவிஸ்ஸில் மருத்துவ காப்பீடு அனைவருக்கும் கட்டாயமானதானாலும், நிறுவனங்களின் வணிக அணுகுமுறை வயதின் அடிப்படையில் மாறுபடுவது குறித்து விவாதம் தீவிரமடைந்து வருகிறது.

© Keystone SDA