சுவிட்சர்லாந்தில் வங்கி ஏடிஎம் வெடிப்பு: டெலேமோன்ட் நகரில் பெரும் சேதம்

ஞாயிற்றுக்கிழமை, அக்டோபர் 12, 2025 அன்று அதிகாலை 4.00 மணியளவில், சுவிட்சர்லாந்தின் டெலேமோன்ட் நகரில் உள்ள வாலியன்ட் வங்கியின் ஏடிஎம் இயந்திரம் மர்ம நபர்களால் வெடிக்கச் செய்யப்பட்டது.

அந்த நேரத்தில் பலர் அருகிலிருந்தும், அதிர்ஷ்டவசமாக யாருக்கும் காயம் ஏற்படவில்லை என்று உள்ளூர் காவல்துறை தெரிவித்துள்ளது. வெடிப்பின் தாக்கம் காரணமாக ஏடிஎம் பிரிவுக்கான கதவு முழுவதும் சிதறி, பல மீட்டர் தூரம் சாலையில் பறந்தது.

கட்டிடத்தின் உள்புறம் கடுமையாக சேதமடைந்தது. குறிப்பாக அதனுடன் இணைந்திருந்த சாக்லேட் கடையிலும் பெரும் பொருட்சேதம் ஏற்பட்டுள்ளது.

வெடிப்புக்குப் பின் இரண்டு மோட்டார் சைக்கிள்களில் வந்த நபர்கள் சம்பவ இடத்தை விரைவாக விட்டு தப்பிச் சென்றதாகக் கண்காணிப்பில் இருந்தவர்கள் தெரிவித்துள்ளனர்.

சம்பவ இடத்துக்கு விரைந்து வந்த யூரா மாநில காவல்துறை, கூட்டாட்சி குற்றவியல் அலுவலகம் (MPC), தேசிய புலனாய்வு அமைப்பு (fedpol) மற்றும் சூரிக் நகர குற்றவியல் நிபுணர்கள் இணைந்து விசாரணை மேற்கொண்டனர். ஆரம்ப விசாரணையில் வெடிபொருள் பயன்படுத்தப்பட்டதற்கான உறுதிப்படுத்தல்கள் கிடைத்துள்ளதாக அதிகாரிகள் தெரிவித்துள்ளனர்.

இந்த தாக்குதல் குறித்து துல்லியமான காரணம், பயன்படுத்தப்பட்ட வெடிபொருளின் தன்மை மற்றும் பொருள்சேதம் குறித்து MPC தலைமையில் மேலான விசாரணை தொடர்ந்து நடைபெற்று வருகிறது. சுவிட்சர்லாந்தில் கடந்த சில ஆண்டுகளில் ஏடிஎம் வெடிப்பு வழக்குகள் அதிகரித்துள்ளன என்பது குறிப்பிடத்தக்கது.

© Kapo Jura