விமான கட்டணத்திற்கு வரி: ரயில் பயணத்தை ஊக்குவிக்கும் புதிய முயற்சி

சுவிட்சர்லாந்தில் பொதுப் போக்குவரத்தை வலுப்படுத்தும் நோக்கில், விமான டிக்கெட்டுகளுக்கு கூடுதல் வரி விதிக்க வேண்டும் என்ற புதிய மக்கள் முன்முயற்சி தொடங்கப்பட்டுள்ளது. actif-trafiC தலைமையில் சுற்றுச்சூழல் அமைப்புகள் மற்றும் இடதுசாரி அரசியல் கட்சிகள் இணைந்து “மொபிலிட்டி வவுசர்” (Mobility Voucher Initiative) முயற்சியை அறிமுகப்படுத்தியுள்ளன.

இந்த திட்டத்தின் முக்கிய நோக்கம், சுவிட்சர்லாந்தின் உள்ளக பொதுப் போக்குவரத்து சேவைகளை மேம்படுத்துவதுடன், அண்டை நாடுகளுடன் ரயில் இணைப்புகளை விரிவுபடுத்துவதாகும். இதற்காக விமான பயண டிக்கெட்டுகளுக்கு 50 முதல் 500 சுவிஸ் ஃப்ராங்க் வரை வரி விதிக்க முன்மொழியப்பட்டுள்ளது. இந்த வரியின் துல்லியமான விதிமுறைகள் பின்னர் தீர்மானிக்கப்படும் என கூறப்படுகிறது.

இந்த நடவடிக்கையின் மூலம் ஆண்டுக்கு சுமார் 1.5 பில்லியன் ஃப்ராங்க் வருவாய் கிடைக்கும் என மதிப்பிடப்பட்டுள்ளது. இதில் குறைந்தது மூன்றில் இரண்டு பங்கு தொகை பொதுப் போக்குவரத்து வவுசர்களாக மக்களுக்கு திருப்பி வழங்கப்படும். இதன் மூலம் மக்கள் அதிகமாக ரயில் மற்றும் பிற சுற்றுச்சூழலுக்கு உகந்த போக்குவரத்து முறைகளை பயன்படுத்த ஊக்குவிக்கப்படுவார்கள்.

சுவிட்சர்லாந்தில் கார்பன் உமிழ்வை குறைக்கும் முயற்சிகள் அதிகரித்து வரும் நிலையில், இந்த முன்முயற்சி சுற்றுச்சூழல் பாதுகாப்பு மற்றும் நிலையான போக்குவரத்து கொள்கைகளில் முக்கியமான மாற்றத்தை ஏற்படுத்தக்கூடியதாக பார்க்கப்படுகிறது.