டுபாய் சாக்லேட் அதிர்ச்சி தகவல் : திருப்பியனுப்பிய சுவிட்சர்லாந்து.!! பூஞ்சை மாசுபாடு காரணமாக, பெரிய சில்லறை விற்பனையாளர்களான ஸ்பார் மற்றும் TopCC ஆகியவை “ஓரியண்ட் டிலைட் துபாய்” என்ற சாக்லேட்டை திரும்பப் பெற்றுள்ளன. குறித்த சாக்லேட் ஆரோக்கியத்திற்கு தீங்குவிளைப்பதாகவும் மக்கள் அதை உண்ணக்கூடாது எனவும் Recallswiss  என்ற நிறுவனம் தெரிவித்துள்ளது.

கண்டுபிடிக்கப்பட்ட 200 கிராம் சாக்லேட் பார்களில் மைக்கோடாக்சின் எனப்படும் பூஞ்சை, அச்சு மூலம் உற்பத்தி செய்யப்படும் நச்சு பொருட்கள் இருப்பது கண்டறியப்பட்டது. வாடிக்கையாளர்கள் சாக்லேட்டைக் கடையில் திருப்பிக் கொடுத்து முழுப் பணத்தையும் திரும்பப் பெறலாம் எனவும் தெரிவிக்கப்பட்டுள்ளது.

அண்மையில் துபாய் சாக்லேட் ஜெர்மனி மற்றும் சுவிட்சர்லாந்தில் பெரும் புகழ் பெற்றது. நவம்பர் நடுப்பகுதியில், கில்ச்பெர்க்கில் (ZH) உள்ள லிண்ட்ட் சாக்லேட் தொழிற்சாலைக்கு வெளியே பார்களின் வரையறுக்கப்பட்ட டுபாய் சாக்லேட்டுகள் விற்பனை செய்யப்பட்ட போது அதனை கொள்வனவு செய்வதற்காக மிக நீண்ட வரிசை உருவானது.

சாக்லேட்டில் பிஸ்தா கிரீம் மற்றும் மிருதுவான கடாய்ஃப் நிரப்பப்பட்டிருக்கும், இது பெரும்பாலும் மத்திய கிழக்கு இனிப்புகளில் பயன்படுத்தப்படும் மெல்லிய பேஸ்ட்ரி வகையாகும்.

TikTok இல் உணவு தொடர்பாக காணொளி பதிவிடுபவர்கள் வெவ்வேறு பிராண்டுகளிலிருந்து துபாய் பாணி சாக்லேட்டை முன்னிலைப்படுத்தியபோது இது ரெண்டிங் ஆக ஆரம்பித்தது. இதை அடுத்து சுவிஸ் சாக்லேட் தயாரிப்பாளரான லிண்ட்ட் அதனை உற்பத்தி செய்ய தொடங்கினார்கள்.

ஆனால் பல சிறிய சாக்லேட் உற்பத்தியாளர்கள் அதன் சொந்த பதிப்புகளை உருவாக்கியுள்ளனர். இந்த சாக்லேட் பார்கள் மிகவும் பிரபலமாகிவிட்டதால், அவை ஆன்லைனில் ஒரு பாருக்கு 400 சுவிஸ் பிராங்குகள் என மறுவிற்பனை செய்யப்படுகின்றமையும் குறிப்பிடத்தக்கது. Watson (c)