சென்ட்காலன் மாகாணத்தில் பல்வேறு திருட்டு சம்பவங்கள் பதிவு.!!! செயின்ட் கேலன் மாகாணத்தில், ஜனவரி 3, 2025, வியாழன் மற்றும் வெள்ளியன்று, குடியிருப்புகளை உடைத்து கொள்ளையில் ஈடுபட முயன்றவர்கள் தொடர்பான ஆறு முறைப்பாடுகள் கிடைத்துள்ளதாக கன்டோனல் போலீசார் அறிவித்துள்ளனர்.

அவற்றில் மூன்று உடைப்பு சம்பவங்கள் சென்ட்காலன் நகரத்தில் இடம்பெற்றுள்ளதோடு, மதுபானங்கள் மற்றும் இ-ஸ்கூட்டர் உள்ளிட்ட பல்வேறு பொருட்களை திருடர்கள் திருடிச் சென்று 5,000 பிராங்குகளுக்கு மேல் சேதம் விளைவித்துள்ளனர்.

**செயின்ட் கேலன்** நகரில், (Gartenstrasse) கார்டென்ஸ்ட்ராஸ்ஸில் உள்ள ஒரு உணவகம் மற்றும் ( Rehetobelstrasse) ரெஹெட்டோபெல்ஸ்ட்ராஸ்ஸில் உள்ள அடுக்குமாடி குடியிருப்பில் வியாழன் அன்று அடையாளம் தெரியாத நபர்கள் புகுந்தனர். மேலும் நகரத்திலுள்ள உணவகத்தில், அவர்கள் ஜன்னல் வழியாக வலுக்கட்டாயமாக நுழைந்து பல நூறு பிராங்குகள் மதிப்புள்ள மதுபானங்களைத் திருடிச் சென்றனர்.

அடுக்குமாடி குடியிருப்பில், ஷட்டரைத் தூக்கிய பிறகு பால்கனியின் கதவைத் திறக்க முயன்றபோது குடியிருப்பாளர்களால் அவர்கள் எச்சரிக்கப்பட்டனர். மேலும் ஒரு சம்பவமாக இன்று வெள்ளிக்கிழமை, Oberstrasse இல் உள்ள ஒரு கடையில் உடைப்பு ஏற்பட்டது. திருடர்கள் கண்ணாடி நெகிழ் கதவை உடைத்து, பல நூறு பிராங்குகள் மதிப்புள்ள சிகரெட் மற்றும் மதுபானங்களையும் திருடிச் சென்றுள்ளனர்.

செயின்ட் கேலன் **Gossau** இல், புத்தாண்டு காலத்தில் Friedbergstrasse இல் உள்ள ஒரு கிளப்ஹவுஸில் திருடர்கள் நுழைந்தனர். ஆரம்ப கண்டுபிடிப்புகளின்படி, அவர்கள் வளாகத்தில் இருந்து நாணயங்களை திருடியிருக்கலாம் என சந்தேகம் வெளியிடப்பட்டுள்ளது.

இது மாத்திரமின்றி **Rapperswil** இல், விடுமுறை நாட்களில், ஒரு அடையாளம் தெரியாத நபர் ஒரு நெகிழ் கதவை வலுக்கட்டாயமாக திறந்து வைத்தியசாலை கிளினிக் வளாகத்திற்குள் நுழைந்தார். அங்கு எதுவும் திருடப்பட்டதா என்பது இன்னும் தெளிவாகத் தெரியவில்லை.

**Rorschach** இலும் ஒரு திருடன் கேரேஜுக்குள் நுழைந்து ஒரு இ-ஸ்கூட்டரைத் திருடிச்சென்றுள்ளதாகவும் போலீசில் முறைப்பாடு செய்யப்பட்டுள்ளது. குற்றவாளிகளை அடையாளம் காண செயின்ட் கேலன் கன்டோனல் போலீசார் இந்த வழக்குகள் அனைத்தையும் விசாரித்து வருகின்றனர்.

© Kantonspolizei St.Gallen