சுவிட்சர்லாந்தில் பணமோசடி அறிக்கைகளில் கூர்மையான அதிகரிப்பு

2024 ஆம் ஆண்டில், சுவிட்சர்லாந்தில் சந்தேகத்திற்குரிய பணமோசடி நடவடிக்கைகளில் குறிப்பிடத்தக்க அதிகரிப்பு காணப்பட்டுள்ளதாக புதிய அறிக்கை ஒன்று தெரிவிக்கிறது. சுவிட்சர்லாந்தின் பணமோசடி அறிக்கையிடல் அலுவலக (MROS) புதிய அறிக்கையின்படி, முந்தைய ஆண்டை விட சந்தேகத்திற்கிடமான செயல்பாட்டு அறிக்கைகளின் எண்ணிக்கை 30 சதவீதம் அதிகரித்துள்ளது. மொத்தம் 15,414 அறிக்கைகள் சமர்ப்பிக்கப்பட்டன.

இந்த வழக்குகளில் பெரும்பாலானவை – சுமார் 92 சதவீதம் – வங்கித் துறையிலிருந்து வந்தவை. சாத்தியமான சட்டவிரோத நிதி நடவடிக்கைகளைக் கண்காணித்து அறிக்கையிடுவதில் வங்கிகள் மிகவும் சுறுசுறுப்பாக உள்ளன என்பதை இது காட்டுகிறது. காப்பீட்டு நிறுவனங்கள் மற்றும் சொத்து மேலாளர்கள் போன்ற பிற நிதி இடைத்தரகர்களும் மிகக் குறைந்த எண்ணிக்கையில் அறிக்கைகளை தாக்கல் செய்தனர்.

சுவிஸ் சட்டத்தின் கீழ், நிதி நிறுவனங்களிலிருந்து அனைத்து சந்தேகத்திற்கிடமான செயல்பாட்டு அறிக்கைகளையும் பெறுவதற்கு பணமோசடி அறிக்கையிடல் அலுவலகம் பொறுப்பாகும். ஒரு அறிக்கை பெறப்பட்டதும், ணமோசடி அறிக்கையிடல் அலுவலகம் தகவலை மதிப்பாய்வு செய்து, பணமோசடி அல்லது பிற நிதி குற்றங்கள் சம்பந்தப்பட்டிருக்கலாமா என்பதை மதிப்பிடுவதற்கு ஒரு ஆரம்ப விசாரணையை நடத்துகிறது.

சந்தேகங்கள் உறுதிப்படுத்தப்பட்டாலோ அல்லது போதுமான அளவு தீவிரமானதாகக் கருதப்பட்டாலோ, வழக்கை சட்ட அமலாக்க அதிகாரிகளுக்கு அனுப்புகிறது. வழக்கின் தன்மை மற்றும் இருப்பிடத்தைப் பொறுத்து, இது சுவிட்சர்லாந்தின் அட்டர்னி ஜெனரல் அலுவலகமாகவோ அல்லது கன்டோனல் மட்டத்தில் உள்ள ஒரு வழக்கறிஞர் அலுவலகமாகவோ இருக்கலாம். இந்த நிறுவனங்கள் பின்னர் முறையான விசாரணையைத் தொடங்குவதா அல்லது குற்றச்சாட்டுகளை வெளியிடுவதா என்பதை முடிவு செய்கின்றன.

அறிக்கைகளின் அதிகரிப்பு என்பது பணமோசடி அதிகரித்துவிட்டது என்று அர்த்தமல்ல, ஆனால் அது நிதி நிறுவனங்களிடையே அதிக விழிப்புணர்வு மற்றும் கடுமையான ஒழுங்குமுறை எதிர்பார்ப்புகளைப் பிரதிபலிக்கும்.

நிதிக் குற்றங்களுக்கு எதிரான போராட்டத்தை வலுப்படுத்தி வருவதாக அதிகாரிகள் கூறுகின்றனர். சுவிட்சர்லாந்தின் நிதி அமைப்பு சட்டவிரோத நோக்கங்களுக்காக தவறாகப் பயன்படுத்தப்படுவதைத் தடுக்க பயிற்சி, டிஜிட்டல் கண்காணிப்பு கருவிகள் மற்றும் சர்வதேச கூட்டாளர்களுடன் ஒத்துழைப்பு ஆகியவற்றில் அதிக வளங்கள் முதலீடு செய்யப்படுகின்றறமையும் குறிப்பிடத்தக்கது.