சீரற்ற காலநிலை காரணமாக சுவிஸ் கேபிள் கார் பொருளாதாரம் பாதிப்பு

Swiss headline News

2 years ago

Janarthan

சீரற்ற காலநிலை காரணமாக சுவிஸ் கேபிள் கார் பொருளாதாரம் பாதிப்பு கேபிள் கார் தொழில்துறையின் பொருளாதாரம் இந்த கோடை காலத்தில் பாதிக்கப்பட்டுள்ளதாக தெரிவிக்கப்படுகிறது.

அனைத்தும் அண்மையில் சுவிட்சர்லாந்தில் நிலவும் சீரற்ற மழையுடன் கூடிய காலநிலை காரணமாக பாதிக்கப்பட்டுள்ளது. இதனால் மிகக் குறைவான மக்கள் மலைகளுக்குச் செல்கின்றனர். குறிப்பாக மத்திய சுவிட்சர்லாந்தில் உள்ள சில கேபிள் கார் சேவைகள் வெகுவாக பாதிக்கப்பட்டுள்ளன.

சுவிட்சர்லாந்தின் கேபிள் கார்ஸ் நிறுவனம் வெளியிட்டுள்ள அறிக்கையில்இ மத்திய சுவிஸ் கேபிள் கார்கள் வசந்த காலத்திலும் கோடையின் முதல் மாதங்களிலும் ஏழு சதவீதம் குறைவான விருந்தினர்களைப் பதிவு செய்துள்ளதாக தெரிவிக்கப்பட்டுள்ளது.

சுற்றுலாத்துறைக்கு முக்கியத்துவம் இல்லாத மே மாதம், முந்தைய ஆண்டுகளுடன் ஒப்பிடுகையில் ஒப்பீட்டளவில் சிறப்பாகவே இருந்தது என்றும் அந்த அறிக்கையில் தெரிவிக்கப்பட்டுள்ளது.

மறுபுறம், ஜூன் மாதம், தென் மலைப் பகுதிகளில் குளிர்ந்த வெப்பநிலை மற்றும் அதிக மழை மற்றும் புயல்களால் பாதிக்கப்பட்டது. பொதுவாக ஜூன் மாதத்தில் மோசமான வானிலை காரணமாக பல சுற்றுலாப் பயணிகளை உள்நாட்டிலிருந்தும் வெளிநாட்டிலிருந்தும் பகல் பயணங்களிலிருந்தும் தடுத்தது.

அதே நேரத்தில் தொலைதூரங்களில் இருந்து வரும் சுற்றுலாப் பயணிகளின் வருகையும் குறைவடைந்துள்ளது என குறித்த நிறுவனம் குறிப்பிட்டுள்ளது.