ஒரே பெயரில் இரு தெருக்கள் : குழப்பத்தில் துர்காவ் கன்டோனின் நகரம்

Swiss Local News
Thurgau

2 years ago

Janarthan

ஒரே பெயரில் உள்ள வீதிகளின் பெயர்களால், துர்காவ் கன்டோனின் Sirnach நகரில் மக்கள் பல ஆண்டுகளாக குழப்பங்களை சந்தித்து வருவதாக தெரிவிக்கப்படுகிறது.

Wiesenstrasse மற்றும் Bühlstrasse ஆகிய இடங்கள், முன்னர் சுதந்திரமான Busswil மாவட்டத்தில் இருந்து, துர்காவ் கன்டோனின் Sirnach நகராட்சியின் ஒரு பகுதியாக மாறியது.

ஏற்கனவே இதே பெயர்களில் இடங்கள் உள்ள போதும், இந்த இடங்களின் பெயர்கள் மாறவில்லை.

ஒரே பெயரில் இரண்டு வீதிகளின் பெயர்கள் இருப்பதால், முகவரிகள் மாறி, பொதிகள், கடிதங்கள் தவறான இடத்தில் ஒப்படைக்கப்படுகின்றன.

ஒரு சந்தர்ப்பததில் அம்புலன்ஸ் கூட தவறான முகவரிக்கு விரைந்தது. ஆனால், தற்போது, பெயர் மாற்றம் ஒரு பிரச்சினை இல்லை என்று நகர மேயர் பீட் ஸ்வார்ஸ் தெரிவித்துள்ளார்.

குழப்பத்தைத் தவிர்க்க, இரண்டு கிராமங்களுக்கும் 2011 முதல் வெவ்வேறு குறியீடுகள் உள்ளன.

மறுபெயரிடுவதற்கான அதிகாரத்துவ தடைகள் அதிகம். ஒரு ஒப்புதல் நடைமுறை தேவை, ஆவணங்களில் மாற்றங்கள் மற்றும் நிதி ஏற்பாடு செய்யப்பட வேண்டும் எனவும் தெரிவிக்கப்படுகிறது.

மூலம்- Bluewin