சூரிச் குழந்தை பராமரிப்பு நிலையத்தில் கோர சம்பவம் : குழந்தைகள் மீது கத்திக்குத்து

சூரிச் குழந்தை பராமரிப்பு நிலையத்தில் கோர சம்பவம் : குழந்தைகள் மீது கத்திக்குத்து இன்று செவ்வாய்க்கிழமை பிற்பகல், சூரிச்சில் ஒரு நபர் பல குழந்தைகளைத் தாக்கி அவர்களில் மூவரைக் காயப்படுத்தியுள்ளதாக சூரிச் நகர காவல் துறையினர் தெரிவித்துள்ளனர்.

சூரிச் ஓர்லிகோனில் பெர்னினாதிராசவில் நடந்த வன்முறைக் குற்றம் குறித்து மதியம் 12 மணிக்குப் பிறகு காவல்துறைக்குத் தகவல் கிடைத்தது. இதனை தொடர்ந்து உடனடியாக பாரிய படை நடவடிக்கையை சூரிச் கன்டோனல் காவல்துறையினர் மேற்கொண்டனர்.

அவசரகால சேவைகள்,உட்பட ஆயுதம் ஏந்திய விசேட போலீசார் அப்பகுதியை சுற்றிவளைத்தனர். மேலும் ட்ரோன் கமராக்கள் சம்பவ இடத்தை சுற்றி பறக்கவிடப்பட்டது.

தாக்குதலின் போது ஐந்து வயதுடைய மூன்று சிறுவர்கள் பலத்த காயமடைந்துள்ளதாக போலீசார் தெரிவிக்கின்றனர். சம்பவத்துடன் தொடர்புடைய 23 வயதுடைய சீன இளைஞன் சம்பவ இடத்தில் கைது செய்யப்பட்டார்.

முதற்கட்ட கண்டுபிடிப்புகளின்படி, ஒரு குழந்தை பராமரிப்பு மைய ஊழியர் பல குழந்தைகளுடன் மதிய உணவு மற்றும் மதியம் பராமரிப்புடன் ஒரு தினப்பராமரிப்பு மையத்திற்குச் சென்று கொண்டிருந்தபோது, ​​​​ஒரு நபர் திடீரென குழந்தைகளை கத்தியால்  தாக்கினார்.

பராமரிப்பு பணியாளர் உடனடியாக மற்றொரு நபரின் உதவியுடன் தாக்குதலை முறியடித்தார். மேலும் அவசர சேவைகள் வரும் வரை குற்றம் சாட்டப்பட்ட குற்றவாளியை பிடித்து வைத்திருந்தார்.

குற்றம் சாட்டப்பட்ட குற்றவாளியான 23 வயதான சீன நபர், எதிர்ப்பு இல்லாமல் தன்னை கைது செய்ய அனுமதித்ததாக தெரிவிக்கப்படுகிறது.

குறித்த நபர் சூரிச் நகர காவல்துறையால் காவல் நிலையத்திற்கு அழைத்துச் செல்லப்பட்டார். காவல்துறையின் கூற்றுப்படிஇ தாக்குதலின் நோக்கம் குறித்து இதுவரை எந்த தகவலும் வெளியாகவில்லை.

கைது செய்யப்பட்ட நபருக்கு குழந்தைகளுடனோ அல்லது குழந்in பராமரிப்பு நிலையத்திற்கோ என்ன தொடர்பு உள்ளது என்பதும் தெரியவில்லை என போலீசார் தெரிவிக்கின்றனர். இது தொடர்பான மேலதிக விசாரணைகள் தற்போது இடம்பெற்று வருகின்றமை குறிப்பிடத்தக்கது.

(cma/ome/sda)