சுவிஸில் தற்காலிக புகலிடம் அனுமதிக்கப்பட்டவர்களுக்கு ஏற்பட்ட சிக்கல்

சுவிஸில் தற்காலிக புகலிடம் கோரிக்கையாளர்களுக்கு ஏற்பட்ட சிக்கல் சுவிட்சர்லாந்தின் தேசிய கவுன்சில் “தற்காலிககுடியிருப்பாளர்” அந்தஸ்துள்ள நபர்களுக்கு குடும்ப மறு ஒருங்கிணைப்பை அனுமதிப்பதை நிறுத்த வாக்களித்தது. இதற்கு ஆதரவாக 105 வாக்குகளும் எதிராக 74 வாக்குகளும் கிடைத்தன.

புகலிடம் மறுக்கப்பட்டு, தங்கள் சொந்த நாடுகளில் பாதுகாப்பற்ற சூழ்நிலைகள் காரணமாக சுவிட்சர்லாந்தில் தங்க அனுமதிக்கப்பட்டுள்ள நபர்கள் இனி தங்கள் குடும்பங்களை அவர்களுடன் சேர்த்துக்கொள்ள முடியாது என்பதே இந்த முடிவின் அர்த்தம்.

சோசியல் டெமாக்ரடிக் கட்சி (SP) இதை கடுமையாக எதிர்த்தது. இது மனித உரிமைகள் மீதான தாக்குதல் என்றும், இந்த முடிவுக்கு எதிராக ஒரு மனுவைத் தொடங்கியது, இது 100,000 க்கும் மேற்பட்ட கையெழுத்துகளைப் பெற்றது.

சுவிஸ் சமூகத்தில் நன்கு ஒருங்கிணைக்கப்பட்ட குடும்பங்களை பிரிக்கும் முடிவு மனிதாபிமானமற்றது என்று சோசியல் டெமாக்ரடிக் கட்சி வாதிடுகிறாது. சுவிட்சர்லாந்தில் குறைந்தபட்சம் மூன்று ஆண்டுகள் வசிப்பவர்களே இவ்வாறு தங்கள் குடும்பத்தினரை அழைத்துக்கொள்ளமுடியும்.

இவ்வாறு 3 ஆண்டுகள் காத்திருப்புக் காலம் குடும்ப வாழ்வுக்கான உரிமையை மீறுவதாக மனித உரிமைகளுக்கான ஐரோப்பிய நீதிமன்றம் முன்பு தீர்ப்பளித்ததால், நீதி அமைச்சர் பீட் ஜான்ஸ், குடும்ப மறு இணைவுக்கான மறுப்புகளை நீதிமன்றங்கள் முறியடிக்கக்கூடும் என்று எச்சரித்தார்.

மறுபுறம், சுவிஸ் மக்கள் கட்சி (SVP), சுதந்திர ஜனநாயகக் கட்சி (FDP) மற்றும் சென்டர் பார்ட்டி (Mitte) ஆகியவற்றால் ஆதரிக்கப்பட்டது. இறுதியில் சுவிட்சர்லாந்தை விட்டு வெளியேற எதிர்பார்க்கப்படும் நபர்களுக்கு குடும்ப மறு ஒருங்கிணைப்பு அர்த்தமற்றது என்று வாதிட்டது. குடும்ப உறவுகள் அரிதாகவே சரிபார்க்கப்படுவதாகக் கூறி, சாத்தியமான தவறான பயன்பாடுகளையும் அவர்கள் மேற்கோள் காட்டினர்.

சமீபத்திய ஆண்டுகளில், சுவிஸ் அதிகாரிகள், தற்காலிகமாக அனுமதிக்கப்பட்ட தனிநபர்களுக்காக ஆண்டுக்கு சராசரியாக 126 குடும்ப மறு இணைப்பு கோரிக்கைகளை அங்கீகரித்துள்ளனர். தகுதி பெற, விண்ணப்பதாரர்கள் சுவிட்சர்லாந்தில் குறைந்தபட்சம் மூன்று ஆண்டுகள் வாழ்ந்திருக்க வேண்டும், நிதி ரீதியாக சுதந்திரமாக இருக்க வேண்டும், போதுமான வீடுகள் இருக்க வேண்டும் மற்றும் உள்ளூர் மொழியைப் பேச வேண்டும்.

எது எவ்வாறாயினும் தற்போது இதற்கு பல அரசியல்வாதிகள், சமூகஆர்வலர்கள் பொதுமக்கள் என எதிர்ப்புகள் கிளம்பியதை தொடர்ந்து 24 மணிநேரத்துக்குள் 120,000 க்கும் மேற்பட்ட கையெடுத்தை சேகரிக்கும் நடவடிக்கை ஆன்லைன் மூலம் ஆரம்பிக்கப்பட்டுள்ளது.

தற்போது வரை சுவிஸ் மக்கள் கட்சி மேற்கொண்ட அகதி குடும்பங்கள் மீதான இந்த நடவடிக்கைக்கு எதிராக 120,131சுமார் கையெழுத்துக்கள் பூர்த்தியாகியுள்ளமை குறிப்பிடத்தக்கது. எனினும் இது பற்றிய விவாதங்கள் தற்போதுவரை தொடர்ந்து கொண்டிருக்கின்றமை குறிப்பிடத்தக்கது.