சுவிஸில் மருத்துவர்கள் பற்றாக்குறைக்கு எதிராக பராளுமன்றில் மனு

சுவிஸில் மருத்துவர்கள் பற்றாக்குறைக்கு எதிராக பராளுமன்றில் மனு சுவிட்சர்லாந்தின் பொது மருத்துவர்கள் மற்றும் குழந்தைகள் நல மருத்துவர்களின் சங்கம், மேலும் பல மருத்துவர்களுக்கு பயிற்சி அளிக்க அழைப்பு விடுத்துள்ளது.

குறிப்பாக குடும்ப மருத்துவர்கள் மற்றும் குழந்தை நல மருத்துவர்களுக்கு பயிற்சி அளிக்குமாறு கேட்டுக் கொள்கிறது. வியாழன் அன்று, அவர்கள் பேர்ன்னில் உள்ள பாராளுமன்றத்தில் 53,786 கையெழுத்துகளுடன் ஒரு மனுவை அளித்தனர்.

டாக்டர்களுக்கு பயிற்சி அளிக்க அவசர நடவடிக்கை எடுக்க வேண்டும் என மனுவில் கோரப்பட்டுள்ளது.

மேலும் மருத்துவக்கல்லூரி இடங்களின் எண்ணிக்கையை அதிகரிக்க பரிந்துரைக்கின்றனர். எதிர்காலத்தில், மருத்துவ மாணவர்களில் பாதி பேர், வளர்ந்து வரும் தேவையைப் பூர்த்தி செய்ய குடும்ப மருத்துவர்களாகவோ அல்லது குழந்தை மருத்துவர்களாகவோ ஆக வேண்டும்.

இந்த மருத்துவர்களுக்கு பயிற்சி அளிக்க, மருத்துவ மாணவர்கள் நடைமுறை அனுபவம் பெற உதவியாளர் பணியிடங்களின் எண்ணிக்கையை 280ல் இருந்து 720 ஆக உயர்த்த வேண்டும்.

“குடும்ப மருத்துவத்திற்கான உந்துவிசை திட்டம்” என்ற சிறப்புத் திட்டம் உருவாக்கப்பட வேண்டும் என்றும் அவர்கள் விரும்புகிறார்கள். இதற்காக, 2025-2028 ஆம் ஆண்டிற்கான கல்வி, ஆராய்ச்சி மற்றும் புத்தாக்க பட்ஜெட்டில் 200 மில்லியண் சுவிஸ் பிராங்குகளை ஒதுக்குமாறும் கோரிக்கை விடுத்துள்ளனர்.