பாசல் SBB கட்டுமான தளத்தில் இருந்து வெடிபொருட்கள் திருட்டு

பாசல் மாகாணத்தில் உள்ள லாஃபென்டல் பள்ளத்தாக்கில் உள்ள SBB கட்டுமான தளத்தில் இருந்து அடையாளம் தெரியாத நபர்கள் கிலோ கணக்கில் வெடிபொருட்களை திருடிச் சென்றுள்ளனர்.

சுவிட்சர்லாந்தின் (அட்டர்னி) Attorney General of Switzerland அலுவலகம் குற்றவியல் நடவடிக்கைகளைத் தொடங்கியுள்ளது.

சுவிட்சர்லாந்தின் Attorney General of Switzerland அலுவலகத்தின் செய்தித் தொடர்பாளர் செவ்வாயன்று கீஸ்டோன்-எஸ்டிஏ செய்தி நிறுவனத்திற்கு இத்தகவலை உறுதிப்படுத்தினார்.

பாசல் மாகாணத்திலுள்ள கிரெலிங்கன் மற்றும் டக்கிங்கன் இடையே இரட்டைப் பாதையை அமைப்பதற்காக அமைக்கும் நடவடிக்கைகளுக்காக பாறைகளுக்கு வெடிவைத்து தகர்ப்பதற்காக வைக்கப்பட்டிருந்த வெடிபொருட்கள் என தெரிவிக்கப்படுகிறது.

குறித்த சம்பவம் தொடர்பாக ஃபெடரல் அலுவலகம் , பாசல் போலீஸ் மற்றும் பிற அதிகாரிகளுடன் நெருக்கமான ஒத்துழைப்புடன் வழக்கை விசாரித்து வருகிறது.

©கீஸ்டோன்/SDA